Қазақстанда көмір бағасы қымбаттады

Қазақстанда көмір бағасы жылына орта есеппен бес пайызға өседі. Кейбір өңірлерде қатты отын құны бірден 11 пайызға өскен, деп хабарлайды  egemen.kz

Бұл туралы Energyprom.kz мониторинг агенттігі мәлім етті. Лигнит пен көмір концентратын қоса алғанда, өндірілген тас көмірдің көлемі қаңтар-қыркүйек айларында 82,1 миллион тоннаны құрады, бұл 2020 жылдың осы кезеңімен салыстырғанда 1,5 пайызға артық. Өндірістің жартысынан көбі Павлодар облысынан (47,9 миллион тонна), тағы үштен бірі Қарағанды облысынан (27,7 миллион тонна) келді. Шығыс Қазақстан облысында 6 миллион тонна көмір өндірілді. 2021 жылғы қыркүйектің қорытындысы бойынша тас көмірінің бағасы ел бойынша орташа есеппен бір жылда 5,1 пайызға өскен. Бағаның өсуі екінші жыл қатарынан байқалады. Қазақстанның 17 өңірінің 14-інде, Шығыс Қазақстан облысында жылына 10,8 пайызға, Жамбыл және Түркістан облыстарында 8,6 пайызға қымбаттады. Көмір бағасы төмендеген жалғыз аймақ – Батыс Қазақстан облысы, бір пайызға. Ірі қалалар мен мегаполистер арасында қыркүйек айында Оралда көмір бағасы тоннасына 19,3 мың теңгеге қымбаттады. Сондай-ақ, Тараз қаласында тоннасы 15,6 мың теңге, ал Түркістанда 15,3 мың теңге. Көмірді Семейде – 9,8 мың теңгеге, Қарағандыда – 10,8 мың теңгеге және Өскеменде – тоннасына 10,9 мың теңгеге сатып алуға болады.