Түркістан облысында құдықтан ер адамның мәйіті табылды

Түркістан облысының тұрғыны учаскелік полиция қызметкеріне қоңырау шалып, жалғыз көршісі белгісіз жағдайларда жоғалып кеткенін айтқан. «Полиция қызметкері оқиға орнынан қан дақтарын анықтады. Белгілі болғандай, ер адам ауладағы екі метр тереңдіктегі құдық ішінде қозғалыссыз жатқан. Мәйіт полицияға жүгінген ер адамның көршісі екені анықталды», деп хабарлады Түркістан облыстық ПД баспасөз қызметі. Аталған факті ҚР ҚК 99-бабы «Кісі өлтіру» бойынша Келес АПБ-нің СДТБТ-не тіркелді. Жедел-іздестіру іс-шараларын жүргізу барысында жәбірленушінің жиені жедел уәкілдердің назарына түсіп, ұсталды. Полиция анықтағандай, екі туыс арасында жанжал болған. Нәтижесінде жиені ағасын өлтіріп, қылмысын жасыру үшін мәйітті құрғақ құдыққа лақтырып, қашып кеткен. Сотқа дейінгі тергеу амалдары жүргізілуде. Сараптамалар тағайындалды. Күннің маңызды және өзекті жаңалықтарын «Егемен Қазақстан» телеграм каналынан оқыңыз