© 2022. Arshat-kaz.kz ақпараттық-сараптамалық сайты
Бейсенбі, 28 Қараша
››ЖОЛДАУ: Ең төменгі жалақы көлемін 42 500 теңгеден 60 мың теңгеге өсіру туралы шешім қабылдаймын
Жаңалықтар

ЖОЛДАУ: Ең төменгі жалақы көлемін 42 500 теңгеден 60 мың теңгеге өсіру туралы шешім қабылдаймын

8 Қыркүйек, 2021, 16:25
111

Мемлекет басшысы Қ.Тоқаев Қазақстан халқына арнаған Жолдауында елдің әлеуметтік-экономикалық ахуалын жақсарту мәселесіне басымдық берді.

«Елімізде ең төменгі жалақы көлемі 2018 жылдан көтерілген жоқ. Әлемдік коронадағдарыс қазақстандықтардың табысына салдарын тигізді. Оның үстіне ең төменгі жалақы көлемі бойынша Қазақстан ТМД-ның біраз елдерінен артта келеді.

Осы орайда 2022 жылғы 1 қаңтардан бастап ең төменгі жалақы көлемін 42 500 теңгеден 60 мың теңгеге өсіру туралы шешім қабылдаймын. Аталған бастама 1 млн-нан астам қазақстандықты қамтиды. Бұл өз кезегінде көлеңкелі жалақы мәселесін жойып, ел экономикасына оңтайлы әсерін тигізеді. Және сарапшылардың пікірінше бұл ЖІӨ-ді 1,5 есе артуына ықпал етеді», – деді ҚР Президенті Қасым-Жомарт Тоқаев Жолдау барысында.

Сондай-ақ, Қ.Тоқаев Қазақстанда жалдамалы жұмысшылардың еңбегі бағаланбай отырғанын тілге тиек етті. Елімізде 6,5 миллион қазақстандық жалдамалы жұмыспен қамтылған. Олардың негізгі күнкөріс көзі – жалақы. Ал, соңғы 10 жылда кәсіпорындардың жалақы қорының көлемі пайда көлемінен 60 пайызға төмендеп кеткен. Енді 2022 жылдың 1-қаңтарынан бастап жалдамалы жұмысшылардың жалақысын көтерген кәсіпорындарға бірқатар жеңілдіктер қарастырылатын болып отыр. Мемлекет басшысы Үкіметке кәсіпорындарды ынталандыру мақсатында қолдау көрсетуді тапсырды.
Жоғарыда аталған мәселелер шағын және орта бизнестің ашықтығын қамтамасыз етері сөзсіз. Сонымен қатар, жұмыс беруші ретінде кәсіпорын жұмысшыларының жалақысын көтеруге мүмкіндік беріп, олардың әлеуметтік жағдайын жақсартуға жол ашпақ.

Нұралы Әбішев,

«Агро V» компаниясының директоры

Advertisements
Алдыңғы

ЖОЛДАУ: Қазақстанның саяси реформасының 4-і пакетін ұсынып отыр

Келесі

ЖОЛДАУ: Мұғалімдерді қайта даярлау қазіргідей бес жылда емес, үш жылда бір рет ...

© 2022. Arshat-kaz.kz ақпараттық агенттігі