© 2022. Arshat-kaz.kz ақпараттық-сараптамалық сайты
Сәрсенбі, 27 Қараша
››Қала әкімінің қатысуымен ашылған мектепте 897 оқушы білім алады
Жаңалықтар

Қала әкімінің қатысуымен ашылған мектепте 897 оқушы білім алады

9 Қыркүйек, 2021, 13:42
110

Қала әкімінің қатысуымен ашылған мектепте 897 оқушы білім алатын болады. Шаһар басшысы ауыл қарияларымен бірге жаңа мектепті аралап, ондағы спорт зал, Абай сыныбы, шахмат, еңбек, тігін шерберханалары мен асхананы аралап көрді. Құрылыстың сапасы мен дизайнына мән берген Мұрат Әйтенов мұндағы жұмыстарға оң бағасын берді. Мектеп директорына санитарлық шаралардың сақталуын қамтамасыз етуді тапсырды.

Заман талабына сай жабдықталып, балалардың толыққанды білім алуына, салауатты өмір салтын қалыптастыруына жағдай жасайтын 1200 орындық оқу орны 3 қабаттан тұрады. Екі ауысымда жұмыс жүргізетін мектепте 44 оқу бөлмелері қарастырылған. Бұдан басқа жаңа үлгідегі 8 мультимедиялы-лингофонды кабинет, 3 информатика кабинеті, ол 85 дана компьютер және 3 интерактивті тақтамен жабдықталған. Сондай-ақ, 4 шеберхана бөлмесі, салауатты өмір салтын қалыптастыруға арналған спорт зал мен балалардың денсаулығын қадағалайтын екі медпункт қарастырылған.

Айта кетейік, пандемияға байланысты білім табалдырығын алғаш аттаған бүлдіршіндер үшін ғана мектеп ауласында алғашқы қоңырау салтанатты жиыны өтті. Қалған сынып оқушыларына санитарлық талаптарды сақтай отырып, сынып сағаты ұйымдастырылды.

Advertisements
Алдыңғы

Елімізде КВИ жұқтырғандар саны азайып, індеттің беті қайтқаны байқалады

Келесі

Қалада тамыз айына дейін 1-сыныпқа 25 005 бала қабылданды

© 2022. Arshat-kaz.kz ақпараттық агенттігі