© 2022. Arshat-kaz.kz ақпараттық-сараптамалық сайты
Сәрсенбі, 27 Қараша
››ШЫМКЕНТ: “Ақ орамал” акциясы
Жаңалықтар

ШЫМКЕНТ: “Ақ орамал” акциясы

14 Қыркүйек, 2021, 18:11
116

Семей ядролық полигонының жабылуына 30 жыл толуына байланысты «Ақ орамал» республикалық акциясы өткізілді.
«Ақ oрамал» акциясының негізіне дана халқымыздың ежелгі дәстүрі – татуластыру салты алынған: әйел – ананың басындағы орамалын шешіп, жауласушылардың ортасына тастауы – олардың жанжалды тоқтатуына себеп болған.
Шара аясында Достық үйі – қоғамдық келісім орталығы жанындағы “Ақ босаға” вокалдық ансамблінің жетекшісі Шамшиева Нұрсағила Серікбайқызы жас келіндерге ақ орамал сыйлап, отбасылық өмірдегі арқау болатын ақыл – насихат айтты.
«Бүгін киіз үйдің алдында жас келінге ақ орамал жаптық. Әйел адам өз шаңырағындағы бейбітшілік, бақыт пен татулықтың ұйытқысы, ақ түс болса әрқашан тазалықты, адамның ойы мен жан-дүниесінің пәктігін білдіріп, абыройдың, ізгіліктің, аманатқа адалдықтың белгісі болғандықтан ақ орамал сыйланады», – деп атап өтті Шамшиева Н.С.

Акцияның мақсаты – елдің барша азаматтарын «Ақ орамал» акциясын өткізуге қатыстыру арқылы олардың этностық шығу тегіне, әлеуметтік, діни немесе басқа да ерекшеліктеріне қарамастан бейбітшілік идеясы аясына шоғырландыру.

Advertisements
Алдыңғы

ШЫМКЕНТ: Акция “Ак орамал”

Келесі

«Молодежь в современном обществе, вопросы трудоустройства: достойный труд или эксплуатация»

© 2022. Arshat-kaz.kz ақпараттық агенттігі